ఉగాది

తొలి పూతకై చిగురుటాకు వణికింది.
చల్లచల్లని సాయంత్రం సందెదాకా వచ్చింది
మల్లెపూల సువాసనలు మంచుముద్ద కప్పింది.
తమలపాకు చిగురుపూత లేలేత నునుపుగా
సౌరభాల మామిడి మొగ్గ వన్నెలన్నీ చిందగా
ఈ ఏడాది ఉగాదికై ఉదయభానుడు వేచగా
ప్రకృతికే కొత్త వలపు పులకరింత మాటున
వయ్యారపు సింగారాల వన్నెలే విచ్చుకొని
ఆమని పాటలు ఏటి నీటిలో ముంచుకొని
వగరు వగరు మావి కొమ్మ వీనుల విందుగా మీటెనే
పచ్చపచ్చని ఉగాదికి పల్లెటూరి పాటనే